استفسار مهم لو سمحتوا ..

[استغفر الله]

السلام عليكم ورحمة الله وبركاته




اولاً احب اشكركم على هذا المنتدى الرائع ونتمنى لكم التوفيق ان شاءالله .. واتشرف اني اشارك معاكم طبعاً ..



عندي استفسار واتمنى اني الاقي الجواب الكافي من الاخوه والاخوات وان شاءالله تكون الاستفسارات خفيفه عليكم ..



انا اذا عندي ( دبلوم بنوك من المعهد التجاري ) وابي اكمل عليه ( بكالاريوس اداره ) هل اقدر او لأ ؟؟


واذا يصير اكمل على ( دبلوم بنوك ) واكمل عليه ( بكالاريوس اداره ) كم سنه اكمل ؟؟ يعني بكم سنه اقدر اخذ بكالاريوس اداره ؟؟


لان اللي حاصل ان عندي دبلوم بنوك وابي اكمل عليه لكن حاب اني اغير التخصص الى ( اداره ) وابي اعرف بكم سنه اقدر اخلص ؟؟


في ناس يقولون تكمل ب ( سنتين ) وتاخذ بكالاريوس .. وفي ناس يقولون تدرس ( سنتين ونص ) بس اذا تاخذ صيفي تخلص ب"سنتين" .. وابي اعرف الصحيح .. وياليت يااخوان اني الاقي شرح كامل للاستفسار لان هالسؤال صراحه متعبني !!


لان تحبطت جداً لما شخص قالي اذا تبي تكمل وتغير التخصص تكمل 3 سنين !!! وبنفس الوقت كلمت شخص بالاردن يدرس قالي من سنتين الي سنتين ونص وهالشي فرحني !!


وبأختصار اكثر للموضوع بعرف كم عدد الوحدات الي يجب تعديها للبكالاريوس ؟؟ وكم وحده يعادلون للدبلوم ؟؟ خصوصا اني بغير من تخصص دبلوم البنوك وبخليه اداره ..

اتمنى الاقي رد شامل وياليت تتحملوني اذا كان عندي تعليق آخر .. وشكراً لكم مقدماً

[monara2000]

حياك الله اخوى بين اخوانك
وتمنياتى لك بالتوفيق
بالنسبة لسؤالك كنت اتمنى لو تحدد أكثر بأي جامعة حاب تكمل البكالاريوس لانه كل جامعه لها نظام وطريقه في معادلة المواد
اتمنى توضح هالشى علشان تلقى الاجابه اللى تبيها بالضبط
تحياتى لك

[q8_eng]

اممم شوف
انا هندسة واعرف كل شي بالهندسة
وادارة اعمال اخوي دارس وسالته

وقالي 3 سنين لانه اول سنة تاخذ فيها مواد دخول الكلية ومستلزماتها ويعادلون لك شهادتك وطبعا مو 100% كل المواد يتعادلون
مثلا انت مخلص 90 وحده اعتقد بالدبلوم

100% مرح يعادلون لك اكثر من 60 وحده

والبكلريوس اقل شي لازم تخلص بأي تخصص فوق ال 130 وحده واحسب انت عاد ^^

هذا الي اقدر افيدك فيه

وتقدر تتواصل مع الجامعات عن طريق البريد الاكتروني ورح يفيدونك اكثر
راسل جامعات البحرين ومصر واوربا ..والخ
لاتعتمد على جامعه وحده

تحياتي

[استغفر الله]

بخصوص اي جامعه بكمل فيها .. مو حاط في بالي جامعه معينه ولكن تقريباً جامعة دلمون ..


والدبلوم اخلصه ب ٦٨ وحده ،، وبعرف الحين كم وحده يعادلون؟؟ وكم وحده عشان تتخرج ؟؟

[استغفر الله]

ها اخواني ماكو رد ؟؟

الدبلوم اخلصه ب ( ٦٨ وحده دراسه ) .. بعرف كم وحده يعادلون ؟؟ وكم وحده لازم اخلص عشان اخلص البكالاريوس ؟؟

وهل اذا بكمل عليها اداره او "محاسبه" راح يكون نظام ( كورسات ) ؟؟ يعني وحدات معينه اخلصها وبس .. وهل اقدر اخلص البكالاريوس ب ( سنتين مع كورسين صيفين ) ؟؟ بعرف ياليت واحد يشرحلي الموضوع شرح مفصل لو سمحتوا

[أبوروتان]

هلابك يالغالي

بالنسبة لكم مادة يعادلون لك :eh_s(10): فراح يعادلون لك كل المواد الموجودة في برنامج البكالوريوس تخصص إدارة وهي موجودة في دبلومك (أقصد تكون بنفس الإسم) مثال :

برنامج البكالوريوس فيه مادة محاسبة و إدارة 1 وإنت عندك في شهادة الدبلوم درست محاسبة 1و2و3 وإدارة 1و2 فقط فراح يعادلون لك محاسبة 1 وإدارة 1 فقط أما محاسبة 2و3 أو إدارة 2 فيمكن إحتسابها مواد حرة ،،،

كما سيعادلون لك أي مادة يكون إسمها شبيه لمادة عندك في الدبلوم بعد ما تجيب ما يسمى بمفردات المادة مصادق عليه من مكان إصدار شهادة الدبلوم

وبعد هذا تقدر تعرف جم مادة باقي لك وجم مادة تقدر تاخذ في الكورس علشان تشوف متى تقدر تخلص ومن ناحية الدراسة ففي العلوم التطبيقية تخصص الإدارة عبارة عن مواد يتم طرحها وإنت تختار إللي تبي تاخذ يعني مو مواد تطرح وعلى الدفعة كلها تاخذها يعني نظام كورسات ثابتة

يعني ترى السالفة مو أبيض أو أسود :eh_s(10): يعني ما نقدر نجاوبك بأرقام فأنصحك إما ترسل شهادتك للجامعة إللي تبي تدرس فيها وتخليهم يعادلونها بعدين نقدر نناقش شنو المواد إللي ما عادلوها لك وإذا كان فيه جامعة ثانية تعادلها أو لا إضافة إلى إنك راح تعرف جم مادة باقي لك وعلى جم فصل دراسي تقدر تاخذها :eh_s(7): أو تاخذ مواد البكالوريوس تخصص إدارة وتقارنها مع مواد الدبلوم إللي عندك وتسوي لك معادلة مبدئية :eh_s(6): وإذا تبيني أخدمك أكثر إبشر دز لي شهادة الدبلوم حقتك وراح أفيدك أكثر بس هاااه ترى باخذ 10 دينار على كل مادة :eh_s(19):

بالتوفيق ياخوي ،،،،